قادر اغيبك

ياني الزمان العمك
معني انك تبقي شى
واداك من زبده هواه
خلاك في الناس تنتشي
وتكوني بعد لااحتضار
كل البقولوا عليك واكتر
رغم انك
بيني بينك ماكي شي
يابنيه زي شفق المغيب
بتواري بعد اكسي الحزن
ياني الزمان العلمك معني الكلام
وياني الرسم جواك كم من ابتسام
ومشيت معاك
سكه ومشاوير من حلم
ببنيها بيك
وانا بيكي جواي منتشي
قتليك انك ممكنه
شدي المسافه البني بينك
وارشفي
وخليني جواك زي كلام
داعب عيون ما بتختشي
وبقيتي انتي كما الشمس
وهو منو اللقال
انو الشمس متوهجه
ومنو الاداك الاذن
انك تكوني
ملاك وسلطان من ظلم
ومنو اللخيرك انتي
مابين تبقي مني واصنعك
ومنو الاداك حق تكوني انسان
بحس زي كل خلق الله
وتترجمي رقتك
والرقه ماها الابتسام
ولا الكلام الجايي منك
بحسبوه الناس كلام
ياغايبه رغم انك حضور
ومكسيه بي خيوط من وهم
مين علم انو الحزن دائما بدايه انتشا
ومامهم نمش علشان نصل
الاولي نعرف دربنا
والريده عنوانا الوضوح
ودروبنا حافيها العنا
واللقيا ماوفا لي معاد
والصبح ما عنوان حيا
والليل مساحات من جمال
مخفيه بس لو نعلنا
والدنيا ما مجرد هوي
والعشق سكه من الحزن
والريده مكسيه بجوي
الريده مفتاح الجراح
والطيبه ياها الافتراء
الطيبه اكبر افترا
والبيك ما جاك من بعيد
ولا زول سواك كان اعترا
وقادر وحاتك اغيبك
زي ما صنعتك اغيبك
وزي ما النجوم تتواري
لما الصبح يهل
وزي ما الاتر
بتغيبو الريح من وراك
قادر
وحاة كل الحروف الطالعه مني
اغيبك
وبنساك لا كنتي الحلم
لا الدنيا من بعدك وهم
لا همي حايشيل ليك هم
لا الكون موطن مقلتك
لا ببقي من دونك عدم

والله ماليها حق
في واحده تقلي الفن والوجاهه دي وتفتري

علوني اخوي
انا عندي ليك اقتراح
تعال نعمل........ ولا اقول ليك بلاااااااااااش

ما قالوا ناقصات عقل ودين
ما تعملي لي مخالفه يا علياء


















بلاش ليه انت بس خليك واضح

مقبوله منك

كلمات محزنه فعلا والله ما تستاهل