هديــــــــــة لأحلي عضويه

السلام عليكم يا حبايبنا
و بدون مقدمات و من غير ( حملني الشوق على جناح الأمل المسكوب في زقاق الحزن اليكم) و من غير (نزولات و سقوطات حبكانية) و من غير عربي :
مشتاقون و الشوق بحر و الظروف مانعانا و حاجات تانية حاميانا ... الحمد لله الإمتحانات انتهت على خير و بقينا مع شغل الملجة بس الأيام دي و السوق مدور الحمد لله
أسف و اعتذار لأي زول ما قدرت ارد عليهو في الفترة الفاتت أو ارد على ردو
و شكر و تقدير و امتنان لكل واحد كان مواصل سواءاً بالتلفون او الماسنجر او الرسائل او المواضيع أو بقلبه و ذلك اضعف الإيمان
ترحيب بكل الأعضاء الجداد العرفتهم و الما عرفتهم و بتمنى اتعرف عليهم ان شاء الكريم
تهنئة لكل الخطب و و العقدو و العرسو و الولدو و الطهرو

و عشان الموضوع ما يكون موضوع اجتماعيات زي نص مواضيع الصفحة الأولى خلال الإسبوع الفات حبيت اهديكم الهدية دي - او الرشوة ان صح التعبير - و هي عبارة عن صور صغيرة توضع تحت الإسم جمعتها من زمن عشان انزلها ليكم و بعضها صغرتها من صور كبيرة ... عسى و لعل تنال اعجابكم
المجموعة كبيرة و ما ممكن تنزل في لحظة واحدة عشان كده حأضطر اعملها بالطريقة السلاوية الزوبعية ... اكتبها و اول خمسطاشر رد اكون راديهم انا (مع الإعتذار للأغنية)

طريقة النزيل :
1- قم بنسخ الرابط الموجود تحت الصورة
2- اذهب الى روابط سريعة ثم الى تغيير الصورة الصورة الشخصية
3- ستجد مربع مكتوب فيه http://www امسحها و قم بلصق الرابط هناك و اعتمد التعديلات
و هنيئاً مريئاً

و لكم كل الود و الحب